Poems
October 11, 2024 Dr Tlou Cholo
O mofenyi
O e lwele ntwa Motlamela,
O dutse sehlakahlakeng mengwagangwaga,
O lwela rena bana ba rantsho.
Ke ra wena le ba mphato wa gago.
O bile kodumela moepathutse.
O se fatile sediba ,
se nwewa ke bohle.
O phatlaladitse diatla
bjalo ka mafakudu.
O tlile le thuto Motlamela.
O nametse dithaba le dithabana,
o tshetse meboto le mebotwana,
o tshetse meedi le meetsana,
o tshetse terata bjalo
ka lehodu la bosego .
Bana e be e le ditshiwana,
mosadi e le mohlolo o says says phela.
Batswadi ba o hlobogile
mengwagangwaga,
ba o hlobogile o sa phela Motlamela.
Bana beno ba letse,
meokgo ya omelela marameng.
O boile Motlamela,
manyami wa supetswa
mabitla a batswadi.
Fela re leboga boikgafo le bophelo.
A e gole Tlou Cholo Foundation , a e gole.
KF Ngwepe
